Dans Quraan Kareem Allah Ta’aala fine ordonne nous pou dimane avec li:
أُدْعُونِي أَسْتَجِبْ لَكُمْ
(Demande moi mo pou donne zotte) (Surah 40 /Ayat 60).
Nabi (s.a.w) fine dire :
ليس شيء أكرم على الله تعالى من الدعاء
Dans Allah so regard pena aukene kitchose ki plus valeureux ki dua’’. (Tirmizi / Haakim)
Ene vrai Musulman bizin ena conviction ki Allah pou donne li quand li pou demandé. Si ou fine trouvé ki ou duaa pas fine accordé quand ou fine demandé, faudrait pas ou perdi l’espoir, parceki dua li ene grand kitchose dans Allah so regard, mais li pas nécessaire ki ou gagne tous ceki ou dimandé toute suite. Allah conne pli bien ki ou, quand ene kitchose pli bon pou ou, a travers ou duaa Allah capave donne ou dans sa le monde la même , couma li capave servi sa duaa la ene moyen pou avance ene calamité ou ene difficulté ki ti ena pou vine lor ou, ou bien li capave réserve sa duaa la so récompense dans Aakhirat. Si ene dimoune ti conné ki quantité récompense li pou gagné dans Aakhirat lor banne duaa ki pas fine accordé dans sa le monde la, li ti pou souhaité ki aukene de so banne duaa pas accordé ici, afin li capave accumule so banne récompense dans Aakhirat. Allah pe atanne nous pou dimander, mais malheureusement nous fine oublier Allah et nous pe étale la main divant lezotte. Tant dis ki Allah so trésor li illimité et li pas fatigué donné.
Nabi (s.a.w) fine dire: من لم يسأل الله تعالى يغضب عليه
Allah Ta’aala li en colère avec ene dimoune ki pas dimane avec li. ( Tirmizi, Ahmad)
Plis bon façon pou demander avec Allah
Nabi (s.a.w) fine enseigne nous dans ki façon nous bizin demandé avec Allah et sa même plis meilleur façon. Beaucoup banne hadice ena lor sa sujet la, voila ene résumé de sa banne hadice la et zotte référence.
1. D'abord ou bizin reste loin depuis tous banne nourritures, habillements et revenue ki haraam. (muslim)
2. Choisir banne moment cote duaa plis accepté par e.g après namaz farz, l’heure sehri etc. (Tirmizi)
3. Faire duaa avec sa certitude la, ki apart Allah personne pas pou capave accomplir ou besoin. (Haakim)
4. Faire duaa dans l'état de propreté (ghusl) (Tirmizi, Abu Dawood,Ibne Maajah etc)
5. Faire duaa en état de wazou. (Bukhari, Muslim, etc)
6. Tourne dans direction Qiblah. (Bukhari, Muslim, etc)
7. Assize dans position Tashah-hud. (Abu-Awaanah)
8. Faire Allah so éloge dans commencement et dans la fin. (Bukhari, Muslim)
9. Mentionne Allah so Banne Qualités et so banne attribues. (Ibne-Hibbaan)
1. Avoye durood lor Nabi (s.a.w) dans commencement et la fin. (Abu Dawood, Ahmad)
2. Lève tous les deux la main jusqu’a cote zepaule. (Abu Dawood, Ahmad)
3. Assize avec humilité et respect. (Muslim, Tirmizi)
4. Pas lève regard envers le ciel quand pe faire duaa. (Muslim)
5. Faire duaa a voix basse. (Bukhari, Muslim, Abu-Dawood, Tirmizi etc)
6. Faire duaa pou ou même en premier, ensuite parents, et pou lezotte. ( Muslim)
7. Dimane Allah pou accomplir ou banne nécessités mondaine et Aakhirat aussi. (Abu Dawood)
8. Faire duaa avec ene desire et enthusiasme. (Ibne-Hibbaan et Abu Awaanah)
9. Faire repetition dans duaa (dimane ene kitchose plusieurs fois). (Bukhari, Muslim)
10. Pas dimane banne kitchose ki amène envers Allah so désobéissance et so colère. (Muslim)
11. Quand faire duaa pas dimane banne kitchose ki pratiquement impossible. (Bukhari)
12. Pas dimane Allah pou avoye so bonté seulement lor ou. (Bukhari, Abu-Dawood)
13. Dimane tout kitchose avec Allah, Pas dimane personne appart li. (Tirmizi, Ibne-Hibbaan)
14. Quand fini faire duaa demande Allah pou accepter ou duaa et dire Aameen. (Bukhari, Muslim)
——————————————————————————————————————
(1) lire 3 fois le matin et 3 fois le soir
بِسْمِ اللهِ الَّذِىْ لاَ يَضُرُّ مَعَ إِسْمِهِ شَيْءٌ فِي الأَرْضِ وَلاَ فِيْ السَّمَآءِ وَهُوَ السَّمِيْعُ الْعَلِيْمُ
Bismillaahil-lazhi laa yadhour-rou ma-a’smihee shai-oun fil ardhwi walaa fis-samaa-i wahouwas-samee-ou’l a’leem.
Traduction: Au nom d’Allah, par benediction de so nom pena aukene kitchose ki capave faire du tort dans la terre et ni dans le ciel, Allah li tanne tous et li conne tous.
Nabi (s.a.w) fine dire: Celui ki lire sa 3 fois le matin et soir, aukene kitchose pas pou faire li du tort.( Tirmizi)
———————————————————
(2) lire tous les jours
أَعُوْدُ بِكَلِمَاتِ اللهِ التّّآمَّاتِ مِنْ شَرِّ مَا خَلَقَ
A-ou’zhu bikalimaatil-laahit-taam-maati min shar-ri maa khalaq
Traduction: Mo cherche protection par Allah so banne paroles parfait contre méfait de tout ceki li fine creer.
Hazrat Abu Hurairah (r.a) fine dire: Ki ene personne fine vine cote Nabi (s.a.w) et li fine dire : ‘’ O prophète d’Allah! Mo pe souffert acoze ene scorpion ki fine pique moi hier soir. Nabi (s.a.w) fine reponde: si to ti lire
(أَعُوْدُ بِكَلِمَاتِ اللهِ التّّآمَّاتِ مِنْ شَرِّ مَا خَلَقَ) hier soir , scorpion la pas ti pou faire toi du tort. (Muslim)
