labbaikyouthorganisation.blogspot.com labbaikyf@gmail.com
LAISSE NOUS ALLE FAIRE NAMAAZ !!!
Ki Allah pe promette ou quand ou faire namaz !!!
- Si ou envie faire succès, montrer ki ou dévoué dans ou namaz.
Allah dire : Sans doute banne croyant fine faire succès, banne ki dévoué dans zotte namaz. ( Al-Mou’minoun / V 1,2)
- Si ou envie reste loin depuis péchés, établir ou namaz.
Allah dire : Etablir namaz. Sans doute namaz empêche contre l’indécence et mauvais kitchose. (Al-Ankabout / V 45)
- Si ou envie ene moyen pou ou gagne Allah so l’aide, faire ou namaz.
Allah dire : O bannes ki ena la foi ! Cherche l’aide a travers la patience et Namaz. (Al-Baqarah / V 153)
- Si ou envie ki Allah considère ou comme ene dimoune pieux, faire ou namaz avec régularité.
Allah dire : (bannes dimoune pieux) c’est bannes ki ena croyance lor l’invisibilité et zotte établir namaz….. (Al-Baqarah / V 3)
- Si ou envie Allah gagne pitié lor ou, faire ou namaz.
Allah dire : Et celui ki établir namaz, et donne la charité, et obéir Allah et so messager, sa bannes la même ki, bientôt Allah pou ena pitié lor zotte. (Al-Baqarah / V 153)
- Si ou envie accumule grand récompense, faire ou namaz.
Allah dire : Et zotte établir namaz, et zotte donne la charité, et zotte croire en Allah et en le dernier jour, c’est sa bannes la ki, bientôt nous pou donne zotte ene grand récompense. (An-Nisaa / V 162)
Bannes cadeux ki gagné quand faire namaz
-Est-ce ki ou envie faire ou bannes péchés effacé ?
Nabi (sallallaahu alaihi wasallam) fine dire : A travers 5 fois namaz par jour Allah Ta’aala efface bannes péchés. (Bukhari)
-Est-ce ki ou envie teigne du feu l’enfer ki ou fine allumé à travers bannes péchés ?
Nabi (sallallaahu alaihi wasallam) fine dire : Allah fine fixer ene ange ki faire annonce dans chaque l’heure namaz ‘ O zenfant Aadam ! débouter alle teigne sa du feu ki zotte fine allumer la. (Tabraani)
- Est-ce ki ou envie gagne ene lumière jour du jugement ?
Est-ce ki ou envie ene kitchose faire argument dans ou faveur ?
Est-ce ki ou envie ene moyen pou faire succès?
Nabi (sallallaahu alaihi wasallam) fine dire : celui ki régulier dans so namaz, sa namaz la pou vine ene lumière pou li jour du jugement, ene argument dans so faveur, et ene moyen pou li obtenir so succès.
(Ahmad, Ibn Hibbaan)
- Est-ce ki ou envie ki Allah inclure ou parmi banne dimoune ki li fine promette zotte Jannah ?
Nabi (sallallaahu alaihi wasallam) fine dire : Celui ki regulier dans so 5 fois namaz, en faisant so ruku et sajdah couma bizin, en observant zotte banne l’heure precis, et li accepter ki sa (namaz la) li ene obligation depuis Allah , alors li pou rentre dans jannah.
(Ahmad)
- Quand faire namaz Fajr ou vine sous responsabilité d’Allah. (muslim)
- Quand faire namaz Zuhr (et) so 6 rakaat sunnat ou gagne protection depuis du feu Jahannam(Abu-Dawood)
- Quand faire namaz dans deux l’heure frais (Fajr et Asr) ou rentre dans Jannah. (bukhari)
- Quand pas tardé pou faire namaz Maghrib ou pou vivre dans bien être.
(Abu-Dawood)
- Quand faire namaz Isha (avec jamaat) ou gagne la moitie la nuit dans Ibaadat so récompense. (Muslim)
Allah donne nous compréhension et encore opportunités pou faire travaille deen.
Aameen !!!
